مارک اسپر: په کردي جنګیالیو د ترکيې برید د منلو نه دی

د امریکا د دفاع وزیر مارک اسپر په کردي جنګیالیو باندې د ترکیې پر بریدونو نیوکه کړې ده. اسپر ویلي، چې دا برید د منلو نه دی. په همدې حال کې د سوریې شمال ختیځ ته روسیې پوځي پولیس او تجهیزات لیږلي دي. دا پرېکړه یوه ورځ وروسته له هغې شوې چې د امریکا ولسمشر ډونالډ ټرمپ ویلي، د سوریې په شمال ختیځ کې تل پاتې اوربند نافذ شوی او د ترکیې لخوا پر کردانو د بریدونو درولو په غبرګون کې یې پر ترکیې اقتصادي بندیزونه په مشروط ډول پای ته ورسول. د روسیې دفاع وزارت وايي شمال خیځ ته یې ۲۷۶ پوځي پولیس او تهجیزات لیږلي دي. دغه شمیر سرتیري د ترکیې او سوریې ترمنځ پر پوله میشت شوي او ترکیې اعلان کړی چې نور په سوریه کې پوځي عملیاتو ته اړتیا نشته. د امریکا د کانګرس یو شمیر سناتوران په سوریه کې د سولې د وضعیت، په تېره له شمال ختیځ څخه د امریکايي سرتېرو د وتلو له کبله اندیښمن دي.