لاریون کوونکو پاکستان کې لويې لارې بندې کړې دي

په پاکستان کې حکومت مخالفه زرگونو لاریون کوونکو لویې لارې بندې کړې دي، دوی غواړي چې ددې هېواد صدراعظم عمران خان له دندې نه استعفي ورکړي خو دغه لاریون کوونکي په خپل هدف ترلاسه کولو کې تر اوسه پاتې راغلي دي. د پاکستان د جمعیت العلما اسلام گوند مشر مولانا فضل الرحمان خپلو پلویانو ته ویلي و چې که عمران خان په یوې اونۍ کې استعفی ور نه کړه نو د چهارشنبې په ورځ به ددې هېواد ټولې لویې لارې بندې کړي. فضل الرحمان په عمران خان تور لگوي چې په ټاکنو کې یې درغلي کړې ده او پاکستان یې له اقتصادي ستونزو سره مخامخ کړی دی. خو عمران خان دغه ټول تورونه ردوي.