امریکا د ایران په دولتي چارواکو باندې د فشار راوړلو په یو نوي اقدام کې دا ځل ددې هېواد د مخابراتو په وزیر باندې بندیز ولگاوه. په محمد جواد آذري جهرمي باندې دغه بندیز تېره ورځ د امریکا د مالیې وزارت په ویب پاڼه کې اعلان شو. دغه اقدام د ایران د دولت له خوا د انټرنیټ د قطع کولو وروسته د ایران په مخابراتي او اطلاعاتي سیستم باندې د امریکا یو ډول فشار گڼل شوی دی. د ایران حکومت ددې هېواد په مختلفو ښارونو کې د اعتراضونو د پراخېدو د مخنیوي په خاطر انټرنېټ ته د خلکو لاسرسی قطع کړی دی. د امریکا مالیې وزارت ویلي چې د ایران د مخابراتو وزیر محمد جواد آذري جهرمي د انټرنېټ په پراخ سانسور کې لاس لري. د بخښنې نړیوال سازمان ویلي دي چې د نږدې یوې اونۍ په ترڅ کې د ایران په ټولو ښارونو کې د امنیتي ځواکونو له لورې څه دپاسه ١٠٠ مظاهره کوونکي وژل شوي او څه دپاسه زر تنه بندیان شوي دي.
امریکا د ایران د مخابراتو په وزیر د انټرنیټ بندیز لګولی
Get real time update about this post categories directly on your device, subscribe now.
- Trending
- Comments
- Latest
