ډنمارک: د افغان ځواکونو پیاوړتیا لپاره ۳۰۸ میلیونه کرون مرسته کوو

د ډنمارک د بهرنیو چارو وزیر اندریس سمولسن ویلي، هېواد یې د افغان ملي او دفاعي ځواکونو د پیاوړتیا په موخه ۳۰۸ میلیونه کرون مرسته کوي. ډنمارک دا مرسته تر ۲۰۲۰میلادي کال پورې له افغان ځواکونو نه د ملاتړ غځونې په موخه کړې ده. ویل شوي چې دا پیسې به د افغان ځواکونو د عملیاتو او روزنې په برخه کې ولګول شي. ډنمارک د افغان ځواکونو د روزنې او ملاتړ په برخه کې مهم هېواد بلل کېږي. اندریس سمولسن ویلي، هېواد یې له ۲۰۲۰ کال وروسته هم د افغان ځواکونو د ملاتړ لپاره اضافي بودجه په پام کې نیولې ده. هغه ویلي باثباته افغانستان د ټولې نړۍ په تېره بیا امریکا او اروپا لپاره هم په ګټه ده ځکه ډیری افغانان د جګړو او نا ارامیو له امله نورو هېوادونو ته ځي، چې دا موضوع اوس په یو نړیوال سرخوږي بدله شوې ده.