مشرانو جرګه: د سولې روانې خبرې د بهرنیانو له لورې اداره کیږي

مشرانو جرګه وايي، د افغان سولې خبرې د بهرنیانو له لورې اداره کیږي. سناتوران وايي، چې د افغان سولې په برخه کې د افغان حکومت پرځای تر ډېره امریکا ښکېله ده او په دې پروسه کې د متحده ایالاتو مداخله ثابتوي، چې حکومت او د سولې شورا هومره اغیزناک نقش نه لري. په قطر کې د طالبانو او امریکايي چارواکو ترمنځ  مذاکرات او د افغان سولې په برخه کې د متحده ایالاتو وروستیو هڅو د افغانانو په مالکیت د سولې پر هلو ځلو نیوکې ډېرې کړې دي. د مشرانو جرګې یو شمیر غړي وايي، چې افغانستان او د سیمې یوشمېر نورو هیوادونو ته د امریکا ځانګړي استازي سفرونه او له طالبانو سره یې له مخامخ مذاکراتو ښکاري، چې د سولې خبرو مالکیت د بهرنیانو په لاس کې ده، افغان حکومت او د سولې عالي شورا بې واکه دي.