د غزني د امنیه قومندانۍ ویاند احمد خان سیرت وايي چې وسله والو طالبانو تېره شپه د غزني پر اوو امنیتي پوستو بریدونه وکړل. دده په خبره په ځوابي بریدونو کې وسله والو طالبانو ته مرګ ژوبله اوښتې ده. هغه زیاتوي دغه بریدونه د خوګیاڼیو، اندړو، مالستان، مقر او د مرکز پر شهباز امنیتي پوستو شوي دي. سیرت وایي چې په دې بریدونو کې دوه پولیس وژل شوي او څلور نور ټپیان دي. هغه زیاته کړې چې د افغان ځواکونو په ځوابي بریدونو کې بیا ۱۱ طالبان وژل شوي او ۲۷ نور ټپیان دي. وسله والو طالبانو تر اوسه په دې اړه څه نه دي ویلي.
په غزني کې د وسله والو طالبانو بریدونه پر شا تمبول شوي دي
Get real time update about this post categories directly on your device, subscribe now.
- Trending
- Comments
- Latest
