د افغانستان د سولې په چارو کې د امریکا د بهرنیو چارو وزارت ځانګړي استازي زلمي خلیلزاد ویلي، سولې ته د رسېدو لپاره ټولې خواوې سره نږدې شوې او تمه ده ژر سولې ته ورسېږو. زلمي خلیلزاد ویلي چې د سولې د پروسې لپاره د کارکولو په هدف باید داسې یوه قوي ډله رامنځ ته شي چې ټولو اړخونو ته د منلو وړ وي. زلمی خلیلزاد څو میاشتې وړاندې د افغان سولې په برخه کې د امریکا د بهرنیو چارو وزارت استازی وټاکل شو. نوموړي ته دنده سپارل شوې چې د افغانستان د روانې جګړې پای ته رسولو ته سیاسي حل پيدا کړي او د سولې په برخه کې هڅه وکړي. زلمي خلیلزاد په همدې تړاو څو هېوادونو ته سفرونه کړي چې اوس یې د سفر دویم پړاو پيل شوی دی.
زلمی خلیلزاد: تمه ده چې ډېر ژر سولې ته ورسېږو
Get real time update about this post categories directly on your device, subscribe now.
- Trending
- Comments
- Latest
