امریکا وایي چې ایران په منځني ختیځ کې پر حزبالله، حماس او خپلو نورو متحدو سخت دریځو ډلو په کال کې نږدې یو میلیارد ډالر لګوي. د امریکا د بهرنیو چارو په وزارت کې د ترهګرۍ پر وړاندې د مبارزې همغږي کوونکي ناتان سیلز ویلي، ایران په کال کې ۷۰۰ میلیونه ډالر د لبنان له حزب الله ډلې سره مرسته کوي، چې دوی بیا د اسراییلو پر وړاندې او همدا راز د بشارالاسد د رژیم په پلویتوب جګړه کوي. دغه چارواکي همدا راز ویلي چې حماس ډلې ته هم ایران په کال کې نږدې سل میلیونه ډالر ورکوي. هغه ونه ویل چې ایران نورې پیسې چاته ورکوي، خو ادعا یې کړې چې په منځني ختیځ کې د سخت دریځو پر ملاتړ ایران په کال کې ټولټال یو میلیارد ډالره لګوي. هغه زیاته کړې چې ایران په سیمه کې د ترهګرو تر ټولو ستر ملاتړی دی او څو کلونه کېږي چې په دریځ کې یې هېڅ راز بدلون نه دی راغلی.
امریکا: ایران هر کال له ترهګرو ډلو سره یو میلیارد ډالر مرسته کوي
Get real time update about this post categories directly on your device, subscribe now.
- Trending
- Comments
- Latest
