ولسمشر دې د امنیت په اړه د دروغجنو راپورونو پر ځای پر حقایقو ځان خبر کړي. د جمعیت ګوند اجرایي مشر عطا محمد نور له ولسمشر غني سره د لیدنې پر مهال ویلي، چې یو شمېر امنیتي او دفاعي چارواکي ولسمشر ته د امنیتي وضعیت په اړه د دروغو راپورونه ورکوي. دده په خبره ولسمشر ته په کار ده، چې ددغه ډول راپورونو د اورېدلو پر ځای په هېواد کې د روان وضعیت پر حقایقو ځان خبر کړي او دلته دې د روانې خونړۍ جګړې به مخنیوي کې هڅه وکړي. عطا محمد نور او د جمعیت ګوند نورو مهمو غړو له ولسمشر سره په لیدنه کې د سولې له هر ډول هڅو ملاتړ څرګند کړی دی. دوی همدا راز ویلي چې د سولې عالي شورا دې نه لغوه کېږي ځکه د لویې جرګې د پرېکړې پر بنسټ جوړه شوې ده، خو د حکومت له لوري د سولې جوړېدونکې کمېټه دې د سولې عالي شورا له پلانونو او طرحو ګټه پورته کړي. جمعیت ګوند ویلي چې د سولې ټولې خبرې باید د افغانانو په مالکیت او مشرۍ ترسره شي.
عطا محمد نور ولسمشر ته: د ناسمو راپورونو د اورېدو پر ځای په حقایقو ځان خبر کړه
Get real time update about this post categories directly on your device, subscribe now.
- Trending
- Comments
- Latest
