رویټرز ولسمشر غني ته د نږدې کسانو له قوله ویلي، د افغان سولې لپاره د امریکا ځانګړی استازی زلمی خلیلزاد هڅه کوي ولسمشر غني ته قناعت ورکړي چې د سولې پروسه کې یې څنډې ته نه پرېږدي. دا خبره وروسته له هغه مطرح کېږي چې څه موده وړاندې رویټرز اژانس راپور خپور کړ چې افغان حکومت له وسله والو طالبانو سره د سولې خبرو کې څنډې ته پاتې شوی او امریکا په خپله دا پروسه پر مخ وړي. د سرچینې په خبره ولسمشر غني ته نږدې کس ورته ویلي چې خپله ولسمشر او ځینې افغان سیاسیون په دې باور دي چې د سولې پروسه کې څنډې ته پاتې شوي دي. سرچینه کاږي خلیلزاد په دا ځل سفر کې له سیاسیون او مدني ټولنو سره په خبرو کې دا ښودلې چې دوی به هیڅکله هم افغان حکومت څنډې ته پرې نه ږدي. د ویلو ده چې خلیلزاد دوه ځله په قطر کې د طالبانو له استازو سره کتلي او هغوی سره یې د سولې پر پروسې او میکانیزم خبرې اترې کړې دي. دا په داسې حال کې ده چې په دې وروستیو کې د سولې عالي شورا یوې مرستیالې حبیبه سرابي وویل چې د افغان سولې پروسه د دوی له واکه وتلې ده.
رویټرز: خلیلزاد ولسمشر قانع کوي چې څنډې ته یې نه پرېږدي
Get real time update about this post categories directly on your device, subscribe now.
- Trending
- Comments
- Latest
