ناټو وايي د ترهګرۍ ضد روانه مبارزه کې د افغانانو تر څنګ ولاړ دي. په افغانستان کې د ناټو غوڅ ملاتړ ماموریت په یوه خپره کړې خبرپاڼه کې په کابل کې د تېرې شپې برید غندلی دی. ددغه ماموریت له لوري په خپره شوې خبرپاڼه کې راغلي چې پرونۍ پېښې سخت خواشیني کړې دي او د ملي ماتم په ورځ په دې غمګینو شېبو کې د افغانانو ترڅنګ ولاړ دي. یاد ماموریت زیاتوي چې د ترهګرۍ ضد مبارزې ته ژمن دي او په دې برخه کې د افغانانو ملاتړي دي.
