په افغانستان کې د ملګرو ملتونو سیاسي دفتر یا یوناما په هلمند کې په وروستۍ یوه اوونۍ کې خونړۍ پیښې د اندېښنې وړ بللې دي. یوناما پر خپل ټویټر لیکلي چې په هلمند کې په یوه وروستي اوونۍ کې د ماشومانو په ګډون د زیات شمېر ملکي وګړو د وژل کېدو معتبر راپورونه ور رسېدلي او اندېښمن کړي یې دي. یوناما ویلي، د جګړې ښکېلې غاړې مسولیت لري چې د نړیوال بشري قانون پر بنسټ، هر وخت د ملکي وګړو امنیت ته پام وکړي. په افغانستان کې د ناټو غوڅ ملاتړ ماموریت پرون تایید کړه چې د هلمند په ګرمسېر ولسوالۍ کې پر وسله والو طالبانو هوایي برید شوی دی خو د ملکي مرګ ژوبلې په اړه یې څه نه دي ویلي. د هلمند والي بیا وویل چې ملکي ګړو ته زیان اوښتی خو کره شمېر یې له دوی سره نشته. په ورته وخت کې ځایي سرچینو ویلي چې د هلمند په پروني هوایي برید کې د یوې کورنۍ ۳۰ غړي وژل شوي دي.
یوناما: هلمند کې پر ملکیانو شوي هوایي برید خواشیني کړي یو
Get real time update about this post categories directly on your device, subscribe now.
- Trending
- Comments
- Latest
