امریکا په افغانستان او یمن کې د کارېدلو ایراني وسلو پاتېشوني رسنیو ته ښودلي دي. د امریکا ددفاع وزارت هغه وسلې او مهمات رسنیو ته وړاندې کړي دي چې د ایران له لوري ترهګرو ډلو ته ورکړل شوي دي. د امریکا ددفاع وزارت یا پنټاګون ویلي، دا هغه وسلې دي چې په یمن او افغانستان کې ترهګرو ډلو کارولې دي. د امریکا ددفاع وزارت مرستیال سکرټر کیټي وېلبرګ وايي دا په ایران پورې اړه لري چې د ترهګرو د ستر ملاتړي نوم له خپل هېواد لرې کړي او له ورته کړنو لاس په سر شي. دده په خبره دا په سیمه کې له ترهګرو د ایران د ملاتړ په اړه کره سندونه دي او نړیوالو ته باید دا وښودل شي چې پر ایران د امریکا بندیزونه پر ځای دي. د وېلبرګ په وینا افغانستان او یمن کې ترهګرو ډلو ته د وسلو لېږل د ملګرو ملتونو له قوانینو سره په ټکر کې عمل دی او باید لا ډېره پلټنه یې وشي.
امریکا هغه وسلې رسنیو ته وښودې، چې ایران په افغانستان او یمن کې ترهګرو ته ورکړې دي
Get real time update about this post categories directly on your device, subscribe now.
- Trending
- Comments
- Latest
