كابل كې د ايران سفارت له طالبانو د وسله وال ملاتړ په اړه د ایران لپاره د امريكا د ځانګړي استازي براين هوك څرګندونې رد كړې او هغه یې غير مستندې بللې دي. د دغه سفارت لخوا په خپره شوې خبرپاڼه كې راغلي، د هوك څرګندونې په افغانستان كې د امریکا د ځينو بېړنيو او غير شفافو اقداماتو د توجېه په موخه مطرح شوې دي. په كابل كې د ايران سفارت ويلي، د واشنګټن دا هڅې په افغانستان كې د عمومي افكارو د انحرافولو او د كابل او تهران د مخ پر ودې اړيكو د زيانمنولو لپاره كېږي. د ايران لپاره د امريکا ځانګړي استازي براين هوک د پنجشنبې په ورځ هغه وسلې خبريالانو ته وښودې چې د ده په خبره، ايران په افغانستان کې طالبانو او په يمن كې حوثيانو ته وركړې دي. دا په داسې حال کې ده چې امریکا وایي، تهران له ۲۰۰۷ميلادي كال راهيسې د افغان طالبانو وسله وال ملاتړ كړى دى.
ایران: امریکا د ایران او افغانستان مخ پر وده اړیکې زیانمنوي
Get real time update about this post categories directly on your device, subscribe now.
- Trending
- Comments
- Latest
