امریکا پرون د ایران لهخوا د نوي توغندي د توغولو په اړه اندېښنه وښوده او ویلي یې دي، چې په دغسې فعالیتونو کې له هغه تخنیک څخه کار اخیستل کېږي چې د دغه هېواد د بالیستیک توغندیو له پروګرام سره نوره مرسته کوي. پرون تر دې مخکې ایران اعلان وکړ چې د یوه توغندي په مرسته یې درې تحقیقاتي وسیلې فضا ته توغولې دي. د امریکا د بهرنیو چارو وزارت یوې ویاندې وویل، واشنګټن د ایران د دغسې توغندیو توغولو له انکشاف څخه چې د وسلو د خپرولو په برخه کې مهمې اندېښنې ولاړوي، اندېښمن دی. د هغې په خبره د ایران دغه اقدام د ملګرو ملتونو د امنیت شورا له هغه پرېکړه لیک څخه سرغړونه ده چې د ۲۰۱۵م کال د اټمي تړون د ملاتړ لپاره صادر شوی دی. ایران وايي د سیمرغ په نوم دغه توغندی یې ۴۷۰ کیلومتر ارتفاع ته رسېدلی دی.
امریکا د ایران د نوي توغندي په توغولو اندېښه ښودلې
Get real time update about this post categories directly on your device, subscribe now.
- Trending
- Comments
- Latest
