شمالي کوریا خپل تر ټولو لوی توغندی ازمویلی دی. د راپورونو له مخې د شمالي کوریا حکومت د خپلو ازمویښتونو په لړ کې تر ټولو لوی او ډېر واټن وهونکی توغندی ازمولی دی. راپورونه وایي چې دغه توغندي لومړی شاوخوا ۲ زره کیلومتره واټن وهلی دی او وروسته د جاپان په اوبو کې لوېدلی دی.
بلخوا نړیوالې رسنۍ وایي چې د شمالي کوریا تازه اقدام به ددغه هېواد اقتصاد نور هم له پښو وغورځوي.
شمالي کوریا د خپلو ازمويښتونو له امله د نړیوالې ټولنې په تېره د امنیت شورا تر سخت فشار لاندې ده او پر دغه هېواد د ازمويښتنو نو او بالستیک توغندیو د جوړولو له امله بندیزونه وضع شوي دي.
