د اندونیزیا ولسمشر جوکو ویدودو ویلي چې د روسيې او اوکراین ولسمشرانو ته یې بلنه ورکړې چې د جي۲۰ ډلې په نامه د سترو اقتصاد لرونکو هیوادونو په کلنۍ غونډه کې ګډون وکړي. ټاکل شوې دغه غونډه د روان کال د نومبر په میاشت کې د اندونیزیا په بالي کې وشي. د اندونیزیا ولسمشر ویدودو ویلي، چې پر اوکراین باندې د روسیې د یرغل په خاطر د روسیې د ګډون د مخنیوي لپاره د لویدیځو هیوادونو د فشارونو وروسته، موافقه وشوه چې روسیه هم کولی شي په دې غونډه کې برخه واخلي. په دې ترڅ کې د روسیې ولسمشر ویلي چې د اندونیزیا د ولسمشر جوکو ویدودو، سره یې ټیلیفوني خبرې کړې او د جې۲۰ هیوادونو په غونډه کې د هغه بلنه یې منلې ده چې د بالي په جزیره کې جوړیږي. روسیه د جي۲۰ هیوادونو په ډله کې شامله ده، خو اوکراین د دې ډلې غړی ندی. د امریکا ولسمشر جو بایډن په دې غونډه کې د ولسمشر زلینسکي د شتون وړاندیز کړی دی.
پوتین او زلینسکي د جي۲۰ ډلې هیوادونو غونډې ته بلل شوي
Get real time update about this post categories directly on your device, subscribe now.
- Trending
- Comments
- Latest
