ایران اروپایي هېوادونو ته د ګازو د صادراتو هیله لري. ایراني چارواکو ویلي دوی د اروپايي او د سیمې د ځينو نورو هېوادونو پر هغه غوښتنه غور کوي چې له مخې یې باید اروپايي هېوادونو ته ګاز صادر کړي.
د ایران د ګازو او تېلو د ادارې چارواکو ویلي تر دې دمه په دې اړه پرېکړه نه ده شوې، ایرانی حکومت یې په اړه په خبرو بوخت دی خو په ټوله کې دوی ددې غوښتونکي دي چې د انرژۍ پروژې یې پراخې کړي. وروسته له هغه چې روسیې پر اوکراین برید وکړ نو اروپايي هېوادونو له روسیې د ګازو واردات بند کړل او په دې سره اروپايي هېوادونه د انرژۍ له کمښت سره مخ شوي دي. دمګړی پر دې کار روان دی چې له قطر او یا کوم بل متحد هېواد ګاز وارد کړل شي.
