خامنه يي: ایران کې لاریونونه د بهرنیو لاسوهنو په پایله کې پیل شوي

د ايران مذهبي مشر ايت الله علي خامنه يي هغه هېواد کې د پيل شويو لاريونونو په اوولسمه ورځ خپل غبرګون کې ويلي چې هېواد کې يې روان وضعيت د بهرنيو لاسوهنو له کبله رامنځته شوی دی. هغه تور پورې کړ چې لاريونوال له امريکا، اسراييلو او بهر مېشتو دسيسه ګرو ايرانيانو سره اړيکې لري. ايران کې له تېرو نږدې دريو اونيو راهيسې سخت اعتراضونه روان دي چې څو څو ځله پکې د تاوتريخوالي خبرونه هم خپاره شوي دي. دا اعتراضونه تر هغې وروسته پيل شول چې تهران کې د اخلاقي امنيت پوليسو د مهسا اميني په نوم يوه نجلۍ تر شکنجې وروسته ووژله.