تېره شپه د پکتیا ولايت د زرمت ولسوالۍ په سرکۍ سيمه کې پر يو کور د هوايي ځواک په ملتيا عمليات شوي دي. د زرمت ولسوالۍ اوسېدونکي وايي، چې عمليات د پخواني جهادي قومندان او قومي مشر محمد نعيم په کور تر سره شوي، چې د حاجي نعيم په ګډون د هغه ورور، زوی او درې تنه نور پکې وژل شوي. د پکتيا ولايت د سولې ولايتي کمېټې مسوول جنت خان منګل وايي، چې قومندان نعيم د سولې ولايتي کمېټې غړی دی، خو معلومه نه ده چې وژل شوی که ژوندی پاتې دی. بل خوا د پکتيا ولايت امنيتي مسوولين عمليات مني خو وايی, چې د مرګ ژوبلې په اړه دقيق معلومات نه لري. دوی وایي په دې اړه به نور جزیات وروسته له رسنیو سره شریک کړي. بلخوا راپورونه وایي چې د سیمې اوسېدونکو د وژل شوو کسانو جنازې د پکتیا د ولایت مقام مخې ته را روانې کړې دي.
پکتیا کې په هوايي برید کې ملکي وګړي وژل شوي دي
Get real time update about this post categories directly on your device, subscribe now.
- Trending
- Comments
- Latest
