کاناډا کې اورلګېدنې له یو میلیون هکټاره زیات ځنګل سوځولی

د کاناډا په ځنګلونو کې اور لګېدنې یو میلیون او ۲۰۰ زره هکټاره ځنګل سوځولی دی. د کاناډايي چارواکو له خوا د ورکړل شویو شمېرو پر بنسټ، یوازې د دغه هېواد د برېتېش کلمبیا ایالت کې ۳۷۳ فعالې اور لګېدنې موجودې دي. د امریکا او مکسیکو د اور وژونکو په ګډون کابو دوه زره اور وژونکي د دغې اور پر وژنې بوخت دي. په ټول کې، ۱۳۶۷ بهرني اور وژونکي له امریکا، مکسیکو، سوېلي افریقا، سوېلي کوریا، اسټرالیا، فرانسې او نیوزلنډ څخه د کاناډا د اور وژنې له ډلې سره د مرستې لپاره دغه هېواد ته تللي دي.