هرات کې ۴۵۰۰ روږدي کسان تر درملنې لاندې دي

په هرات ولایت کې د روږدو کسانو لپاره د ۴زره بستریز روغتون مسوولین وايي چې په دې روغتون کې د څه باندې ۴ زره ۵۰۰ روږدو کسانو درملنه روانه ده. د یاد روغتون مسوولین له خلکو او سوداګرو هم غواړي چې د یادو کسانو په درملنه کې ورسره همکاري وکړي. په ورته وخت کې په دغه روغتون کې یو شمېر روږدي کسان د سرپرست حکومت له چارواکو غوښتنه کوي، چې دوی ته د کار زمینه برابره کړي، ترڅو له درملنې وروسته بیا نشه یي توکو ته مخه نه کړي. د يادولو وړ ده، چې تېر کال ژمی په هرات ښار کې په نشه يي توکو د بې سرپناه روږدو کسانو د راټولولو لړۍ د خلکو په همکارۍ پيل شوې وه، چې تر اوسه يې زرګونه تنه راټول کړي او په یاد روغتون کې یې درملنه شوې یا تر درملنې لاندې دي.