د ونزیویلا د پارلمان مشر خوان ګوایدو، چې ځان یې د دغه هیواد ولسمشر بللی دی، د نویو او پراخو لاریونونو د ترسره کولو اعلان کړی دی. هغه غواړي په دې توګه د واک د سپارلو په خاطر پر نیکولاس مادورو فشار ډیر کړي. د ونزیویلا د حکومت او ولسمشر د مخالفينو رهبر خوان ګوایدو، د نویو او پراخو لاریونونو په اعلانولو سره غواړي د ونزیویلا له ولسمشر سره د واک ترلاسه کولو پر سر مبارزه سړکونو ته را وباسي. نوموړي د جمعې په ورځ په کاراکاس کې خپلو پلویانو ته وویل، دوی به بیا هم سړکونو ته راوځي. نوموړي زیاته کړې، لاره روښانه ده د غصب پای ته رسول، موقت حکومت او ازادې ټاکنې غواړي. د ونزیویلا د پارلمان رییس خوان ګوایدو د چهارشنبې په ورځ ځان د دې هیواد موقت ولسمشر اعلان کړ او د ولسمشر نیکولاس مادورو مشروعیت یې تر پوښتنې لاندې راوست. امریکا او د لاتينې امریکا یو شمیر هیوادونو سمدستي هغه د ولسمشر په توګه په رسميت پيژندلی دی.
وينزويلا کې د واک پر سر شخړې زور اخيستی
Get real time update about this post categories directly on your device, subscribe now.
- Trending
- Comments
- Latest
