د چین یون لونګ زیرن شرکت استازي د هرات د اوسپنې پټلۍ له رییس سره په کتنه کې د اوسپنې پټلۍ پراختيا له سيمې او نړۍ سره د افغانستان د نښلولو لپاره اساسي کيلي ګڼلې ده. هغه زياته کړې، چې په افغانستان کې د اوسپنې پټلۍ په برخه کې پانګونه يې لومړيتوب دی. د ياد شرکت استازي هرات ته د فولادو د توليد په برخه کې د ۳ ميليونه امريکايي ډالرو په ارزښت د يوې پروژې د سروې په موخه سفر کړی، چې وروسته به د پانګونې دغه کچه تر ۱۰۰ ميليونو امريکايي ډالرو پورې لوړوي. په دې کتنه کې د هرات ولایت د اوسپنې پټلۍ رییس مفتي محمدنسیم محمدي ویلي، په افغانستان کې د کانونو د استخراج ترڅنګ د اوسپنې پټلۍ په برخه کې چینایي پانګوالو ته د پانګونې ښه فرصت برابر شوی، چې دوی باید ترې استفاده وکړي او د اوسپنې پټلۍ په برخه کې پر پانګونې خپل تمرکز زیات کړي.
یو چینايي شرکت په افغانستان کې ۱۰۰ میلیونه ډالره پانګونه کوي
Get real time update about this post categories directly on your device, subscribe now.
- Trending
- Comments
- Latest
