د غور ولایت د کډوالو او راستنېدونکو چارو ریاست مسوولینو خبر ورکړی، چې د دغه ولایت په فیروزکوه ښار کې له ۹۰۰ بېسرپرسته کورنیو سره نغدي مرسته شوې ده. د مالوماتو له مخې دغه مرسته د UNHCR دفتر لخوا د ARAA موسسې په تخنیکي همکارۍ وېشل شوې ده. د مسوولینو په خبره په دې نغدي مرستو کې هرې کورنۍ ته ۱۳ زره ۵۰۰ افغانۍ ورکړل شوې دي. د غور ولایت اوسېدونکو له دې مرستې هرکلی کړی او په یاد ولایت کې د نورو اړمنو کورنیو سره د مرستندویه ادارو د مرستې غوښتنه کړې ده. تر دې وړاندې هم په غور کې د یو شمېر مرستندویه بنسټونو لخوا په اړمنو بېلابېلې مرستې وېشل شوې دي. دا مرستې داسې مهال وېشل کېږي چې د خوړو نړیوال پروګرام یو ځل بیا په افغانستان کې د بېوزلۍ د پراخېدو په اړه اندېښنه څرګنده کړې ده.
غور کې له سلګونه اړمنو کورنیو سره نغدي مرسته شوې ده
Get real time update about this post categories directly on your device, subscribe now.
- Trending
- Comments
- Latest
