د پاکستان د سوداګرۍ او صنایعو خونې مشر کاشف انور ویلي چې د پاکستان او افغانستان تر منځ سوداګري د پام وړ کمه شوې ده. نوموړي دغه څرګندونې تېره ورځ په لاهور کې د افغانستان د سوداګرۍ او صنایعو خونې د مرستیال خانجان الکوزي په مشرۍ له پلاوي سره په کتنه کې کړې ده. انور ټینګار کړی چې اسلام اباد او کابل باید د سوداګرو ترمنځ د سوداګرۍ د پیاوړتیا لپاره ګډ او کوټلي ګامونه پورته کړي. د نوموړي په خبره، دا مهال د افغانستان او پاکستان ترمنځ د دوه اړخیزې سوداګرۍ کچه ۵۲۲ میلیونه ډالره ده. خانجان الکوزي هم په دې کتنه کې ټینګار کړی چې د دواړو هېوادونو سوداګرو ترمنځ باید سوداګریزې تبادلې تر بل هر وخت زیاتې شي. نوموړي زیاته کړې چې اوسمهال د افغانستان له لارې د پاکستان پنځه ميليونه ټنه تازه مېوه منځنۍ اسيا ته صادرېږي.
د پاکستان او افغانستان ترمنځ په سوداګرۍ کې کموالی راغلی
Get real time update about this post categories directly on your device, subscribe now.
- Trending
- Comments
- Latest
