د کندوز د کلیو، بیا رغونې او پراختیا ریاست مسوولین وايي، چې د دغه ولایت په چهار درې ولسوالۍ کې د څه باندې ۲۰۰ زره ډالرو په لګښت د اوبو رسولو د یوې شبکې چارې بشپړې شوې دي. سرچینې ویلي، چې د چهاردرې ولسوالۍ اړوند د حاجي رسول خان په کلي کې د دانیدا موسسې په مالي ملاتړ د ۲۳۲ زره امریکايي ډالرو په لګښت په سولري سیسټم سمبال د اوبو رسولو یوه شبکه جوړه او ګټې اخیستنې ته وسپارل شوه. په دغه پروژه کې د ۴۰ متره مکعب په وړتیا د اوبو ذېرمې جوړول، ۱۴۱ نل لیکو نښلول، ۱۶ تختې سولر لګول، ۱۲۰ مترو په اوږدوالي د ژورې څاه کیندل او د ۱۲ زره ۵۰ مترو په اوږدوالي د پایپ لاین غځول شامل دي. د یادې شبکې پرمټ د سیمې ۲۳۳ کورنیو ته د څښاک اوبه برابرې شوې دي.
کندوز کې ۲۳۳ کورنۍ د څښاک له پاکو اوبو برخمنې شوې
Get real time update about this post categories directly on your device, subscribe now.
- Trending
- Comments
- Latest
