د غور ولايت د احصايې او معلوماتو ریاست مسوولینو ویلي، چې په تېر کال کې یې ۵۱ زره او ۱۹ برېښنايي او ۴۶ زره او ۱۴۶ کاغذي پېژندپاڼې وېشلې دي. د احصايې او معلوماتو ریاست د مالوماتو له مخې، هره ورځ شاوخوا ۷۰۰ کسان د برېښنايي او کاغذي پېژندپاڼو اړوند خدمتونو د ترلاسه کولو په موخه د دې رياست اړوندو دفترونو ته مراجعه کوي. د مسوولینو په خبره د مرکز په ګډون د دې ولايت په ټولو ولسواليو کې د دوی اړوند دفترونه فعال دي او تېر کال د يادو دفترونو له لارې توانيدلي چې ۱۴۳۲ کسانو ته په کاغذي پېژندپاڼو کې د اصلاحاتو او ۱۳ زرو او ۵۸۶ نورو کسانو ته د ژوند پېښو (۱۲ زره او ۸۸۳ زېږون کارتونه او ۷۰۳ د مړینې پارچې) اړوند خدمتونه وړاندې کړي دي.
تېر کال په غور کې ۹۷ زره پېژند پاڼې وېشل شوې
Get real time update about this post categories directly on your device, subscribe now.
- Trending
- Comments
- Latest
