د سوريې هغه ځواکونه چې امريکا يې ملاتړ کوي، وايي چې په سوريه کې يې وروستۍ سيمه هم چې د داعش په کنټرول کې وه، نيولې ده. د سوريې د ډموکراتيکو ځواکونو وياند مصطفى بالي نن په ټوېټر ليکلي، د سوريې شرقي کلى باغوز ازاد شوى دى. هغه د داعش افراطي ډلې په وړاندې د بريا اعلان کړى دى. بالي وايي، د داعش ډلې تش په نوم خلافت چې يو وخت د سوريې او ګاونډي هېواد عراق پر زياتو برخو حاکم و، اوس ختم شوى دى. هغه ژمنه وکړه چې د داعش افراطي ډلې د پاتې کسانو او سيمو په وړاندې به تر هغو مبارزه دوام کوي چې په بشپړ ډول له منځه نه وي تللي. دغه اعلان ظاهراً د داعش افراطي ډلې په وړاندې د ګڼو ځواکونو د څلورنيم کلنې مبارزې پاى ته رسېدل په ډاګه کوي. داعش ډلې يو وخت په سوريه او عراق کې د بريتانيا د خاورې په اندازه پر سيمو کنټرول درلود.
بالي: ډموکراتیکو ځواکونو د داعش ورستی تم ځای هم نیولی دی
Get real time update about this post categories directly on your device, subscribe now.
- Trending
- Comments
- Latest
