د اروپايي ټولنې د غړو هېوادونو د مشرانو دوه ورځنۍ غونډه د اکتوبر په ۱۵مه نېټه پرانیستل شوه، چې پکې په عمده توګه به د اروپا د اقتصادي سیالۍ توان، د انرژۍ بیې او د راتلونکې اوږدمهالې بودیجې په هکله بحثونه وشي.
د دې ټولنې د مختلفو هېوادونو مشران به د اروپايي شورا د اجنډا له مخې د اروپا د سیالۍ توان پر وړاندې له ننګونو سره د مقابلې د لارو چارو پر موندلو بحثونه وکړي او هم به د انرژې پر بیې تمرکز ولري.
ټاکل شوې، د اروپايي ټولنې مشران به اغېزناک لنډمهاله اقدامات غوره کړي، څو د انرژۍ بیې د لوړتیا له امله پر خلکو او تصدیو منفي اغېزې کمې شي.
د سرمشریزې ګډونوال به د اوکراین، د اروپا امنیت او دفاع، کډوالو او د منځني ختیځ د وضعیت په شمول پر یو لړ نورو موضوعاتو هم بحثونه وکړي.
