د امریکا په دفاع وزارت کې؛ په کرونا د اخته کسانو شمېر ۸۹ ته رسېدلی

د پنټاګون چارواکو ویلي چې په اخته کسانو کې ۴۹ یې نظامیان او پاتې د پنټاګون ملکي کارکوونکي دي. ځینو سرچینو بیا ویلي چې اصلي شمېرې تر دې هم لوړې دي. د امریکا ددفاع وزیر او مرستیال یې ځانونه قرنطین کړي دي او ټولې چارې له لرې مخ ته وي. بلخوا په ایټالیا کې د کرونا ویروس له امله د وژل شوو شمېر تر درېیو زرو پورې رسېدلی دی. په دې هېواد کې همدا راز ۳۵۷۰۰ کسان په دې ویروس اخته دي. تر چین وروسته دا تر ټولو لوړې شمېرې دي. المان بیا وایي چې دغه هېواد له دویمې نړیوالې جګړې تر دې دمه هېڅ وخت له داسې خطرناک وضعیت او بحران سره نه و مخ شوی. دوی د عاجلو اقداماتو او اضطراري حالت خبر ورکړی دی.