د ملګرو ملتونو د سوداګرۍ او پراختیا کنفرانس د سپتمبر په ۲۴مه نېټه په یوه راپور کې وویل چې د فلسطین اقتصاد او عامه مالي چارې له سخت فشار سره مخ دي. اټکل کېږي چې د غزې تړانګې د بیارغونې لپاره شاوخوا ۷۱.۵ میلیاردو امریکایي ډالرو ته اړتیا ده.
راپور وايي چې د غزې تړانګې وضعیت په ځانګړې توګه اقتصاد يې ډېر سخت دی. د راپور د اټکل له مخې، د ۲۰۲۳ کال له اکتوبر راهیسې په غزه کې ۹۲ سلنه شرکتونه زیانمن شوي یا په بشپړه توګه ویجاړ شوي دي.
د نړیوال بانک، اروپایي ټولنې او ملګرو ملتونو د ارزونې له مخې، د ۲۰۲۶ کال تر پیل پورې په غزه کې بنسټیزو تاسیساتو ته ۳۵.۲ میلیارده امریکایي ډالره زیان اوښتی، او اقتصادي او ټولنیز زیانونه ۲۲.۷ میلیارده ډالرو ته رسېدلي دي. د غزې د بیارغونې لپاره ۷۱.۵ میلیارده ډالرو ته اړتیا ده او ښايي دا شمېر نور هم لوړ شي.
