د چين د مصرفي توکو ۶م نړيوال نندارتون، چې اوسمهال د دغه هېواد په های کو ښار کې روان دی، د نړيوالې ټولنې پراخه پاملرنه راجلب کړې ده.
د چين ميډيا ګروپ سي جي ټي اين په همدې اړه يوه سروې ترسره کړې او ۸۵.۱ ګډونوالو يې ”چين ته تګ“ او ”په چين کې پانګونه“ په نړيوالو بازارونو کې د ځان ښکېلتيا او د سيالۍ وړتيا د پياوړتيا په پار د تصديو لازم انتخابونه بللي دي.
د چين د مصرفي توکو په روان نړيوال نندارتون کې د څه باندې ۶۰ هېوادونو او سيمو له ۳۴۰۰ زيات برانډونو ګډون کړی، چې نړيوال توکي پکې په سلو کې ۶۵ سلنه نيسي او دغه کچه د تېر کال د همدې نندارتون د ورته کچې په پرتله ۲۰ سلنه زياتوالی ښيي.
د سروې ۹۱.۱ سلنه ګډون کوونکي پر دې اند دي، چې د چين د مصرفي توکو نړيوال نندارتون د نړيوالو تصديو ترمنځ د همکاريو، پانګونو او سلامشورو لپاره پراخ ډګر برابر کړی؛ ۸۹.۳ سلنه ګډونوالو يې ويلي، چې چين له تېرو څو کلونو راهیسې هرکال ياد نړيوال نندارتون ترسره کوي او دا د لوړې سويې ورخلاصون د هڅونې په برخه کې د دغه هېواد د ټينګې ارادې ښکارندويي کوي او نړيوال اقتصاد ته د پرمختګ خوځنده ځواک برابروي.
