د چين دولت رئيس شي جين پينګ د اکتوبر د ۳۰مې له غرمې وروسته د بېجينګ د خلکو په لوی تالار کې د سويس له فدرالي رئيس ګوي پارميلين سره وکتل.
شي جين پينګ وويل، سويس په اروپا کې د چين مهم ملګری دی او له چين سره يې همکارۍ تل د اروپايي هېوادونو په منځ کې مخکښ ځای لري. د يو اړخيزې غوښتنې او د محافظه کارۍ د زياتېدو خپرېدو پرخلاف، ازادې سوداګريزې همکارۍ د چين او سويس تر منځ په اړيکو کې ډېرې ځلانده لاسته راوړنې ګټل شوي دي.
شي جين پينګ پر دې ټينګار کړی چې چين او سويس بايد په نوښتونو کې همکارۍ پياوړې کړي، د ډیجيټلي اقتصاد، د زرغونې انرژۍ زېرمه کولو او مصنوعي ځيرکتيا په شمول نويو صنعتونو کې همکارۍ زياتې کړي.
پارميلين وويل، روان کال د چين او سويس تر منځ د نوښتي ستراتيژيکو همکاریزو اړيکو د جوړولو له لسمې کليزې سره برابر دی او دواړو خواوو په لنډ وخت کې په باکيفيته توګه د ازادې سوداګرۍ د تړون د لوړولو په هکله مذاکرات کړي او ترې ښکاري چې دواړه خواوې ټينګ متقابل اعتماد لري او د دواړو هېوادونو د شرکتونو او د بېلا بېلو خواوو له هیلو سره سمون لري، دغه راز به د دواړو هېوادونو د اړيکو پرمختګ ته نوی تحرک ورکړي.
