چینا پاویلین (China Pavilion) د اکتوبر په ۱۹مې نېټې، «د بيولوژيکي تنوع تړون» د لاسليکوونکو د ۱۷مې غونډې(کوپ۱۷) په څنډه کې د ارمنستان په پلازمېنې ايروان کې پرانېستل شو.
د چین د ایکولوژۍ او چاپېریال وزیر هوانګ ژون چیو د چینا پاویلین په پرانیستونکو مراسمو کې ویلي، چې د بیولوژیکي تنوع د ساتنې هڅو لا هم د نړیوالو تمې نه دي پوره کړي او له بېلا بېلو خواوو یې غوښتي، چې د بیولوژیکي تنوع د پالیسیو او د ساتنې د اقداماتو د پلي کولو لپاره خپلې هڅې ګړندۍ کړي.
دغه فعالیت “چینا پایلین” د چین د ایکولوژۍ او چاپېریال وزارت په کوربتوب ترسره کېږي، چې د چین د چاپيريال ساينس د څېړنيزې اکاډمۍ لخوا تنظیم شوی دی.
هوانګ ژون چیو ياد فعالیت ته ويلي، په روانه غونډه کې به د کونمینګ-مونټریال چوکاټ د پلي کولو په برخه کې په لومړي ځل نړیوال ګډ پرمختګ ته بیاکتنه وشي او له ټولو خواوو يې غوښتي، چې په ټينګ هوډ، پياوړو هڅو او نورو مشخصو اقداماتو له لارې خپلې ژمنې په پالیسیو او د ساتنې په اقداماتو بدلې کړي.
