ګڼو لیکوالو، شاعرانو او عامو هیوادوالو د مطیع الله تراب پر مړینه خواشیني ښودلې

د افغانستان مشهور حماسي شاعر مطیع‌الله تراب د زړه د ناڅاپي حملې له امله وفات شو. د نوموړي پر مړینه ګڼو لیکوالانو، شاعرانو، فرهنګیانو او عامو هېوادوالو خواشیني ښودلې ده. مطیع الله عابد د وطن‌دوستۍ، مبارزې او ملي احساس په شاعرۍ کې ځانګړی شهرت درلود. هغه د هېواد بېلابېلو سیمو، کلتورونو او نسلونو خلکو ته یو پېژندل شوی ادبي شخصیت و. تراب په شاوخوا یوه لسیزه کې په ځانګړې توګه له هغه وروسته ډېر مشهور شو، چې د وطن، قربانۍ او مقاومت په اړه یې ویلي شعرونه د رسنیو، ټولنیزو شبکو او ولسي ناستو له لارې پراخ محبوبیت پیدا کړ. د هغه ناڅاپي مړینه د فرهنګي او ادبي ټولنې له‌خوا یوه نه جبرانېدونکې ضایعه بلل شوې ده.