د اروزګان د اقتصاد ریاست مسوولینو د دغه ولایت په چورې ولسوالۍ کې د ۵ میلیونه ۵۷۹ زره افغانیو په لګښت د اوبو رسولو د یوې شبکې د جوړېدو خبر ورکړی دی. د یاد ولایت د اقتصاد رییس مولاداد حسن ویلي، چې د اوبو رسولو دغه شبکه د چورې ولسوالۍ په زرزیګي سیمه کې د میډایر نړیوالې موسسې په مالي ملاتړ جوړه شوې، چې ورسره د سیمې ۴۰۰ کورنیو ته د څښاک پاکې اوبه برابرې شوې دي. نوموړي زیاته کړې، چې په دغه پروژه کې د ۵۰ زره لیتره په وړتیا د اوبو لپاره د زېرمې جوړول، د سولر منظم سیسټم لګول او نوړ اړین ملحقات شامل دي. د یادې شبکې د کار په جریان کې لسګونه تنه کاریګرو ته د کار زمینه برابره شوې وه او په بشپړېدو سره يې نوموړي سیمې ته د څښاک پاکو اوبو اسانتیاوې برابرې شوې دي.
اروزګان کې سلګونه کورنۍ د څښاک له پاکو اوبو برخمنې شوې
Get real time update about this post categories directly on your device, subscribe now.
- Trending
- Comments
- Latest
