کونړ کې ۲۶ ټنه تاریخ تېره درمل او خوراکي توکي سوځول شوي

د کونړ ولایت د عامې روغتیا ریاست مسوولین وایي، چې په دغه ولایت کې د ٣.١ میلیونه افغانیو په ارزښت ۲۶ ټنه تاریخ تېره درمل او خوراکي له منځه وړل شوي دي. د مسوولینو په خبره دغه توکي چې په کې ۳۵۱ ډوله بېلابېل درمل، خوراکي توکي او مشروبات شامل وو، د یو ګډ کمیسیون په همکارۍ راټول او وسوځول شول. د یاد ولایت ځایي مسوولینو له سوداګرو غوښتي، چې د خلکو د ژوند د خونديتوب لپاره هېواد ته د بې کیفیته او تاریخ تېرو درملو او خوراکي توکو له واردولو ډډه وکړي. د عامې روغتیا ریاست مسوولین زیاتوي، چې په راتلونکي کې به هم د بې کیفیته توکو او درملو د مخنیوي لپاره جدي ګامونه پورته کړي.