اروپایي ټولنې؛ د افغانستان د اقتصاد پیاوړتیا لپاره د څه باندې ۴میلیون یورو مرستې خبر ورکړی

اروپايي ټولنې په یوه خپاره کړي راپور کې ویلي، چې له یونسکو سره یې د ۴.۷ میلیونو یورو په ارزښت نوې همکاري پیل کړې څو د مهارتونو د روزنې او سواد زده‌کړې له لارې د افغانانو اقتصاد پياوړی کړي. د راپور له مخې ټاکل شوې دا پروګرام د افغانستان په ۵ ولایتونو کې ۷۵۰۰ کسان تر پوښښ لاندې راولي. په راپور کې ویل شوي، چې دا پروګرام به د سواد او عملي معیشتي مهارتونو ترکیبي زده‌کړې وړاندې کړي؛ څو ګډونوال بنسټيزې وړتیاوې او هغه اقتصادي مهارتونه زده کړي چې ورته اړتیا لري. اروپايي ټولنې ویلي، په دغو مهارتونو کې خیاطي، د لبنیاتو تولید، د چرګانو پالنه او کرنه شامل دي چې په وینا یې د خلکو د کورني عاید په لوړولو کې مهمه ونډه لري.