د فبرورۍ په ۴مه نېټه د لوی بازار شريکول او چين ته صادرول په نامه د ۲۰۲۶م کال په لومړي فعاليت کې د بېلا بېلو هېوادونو د خوراکي توکو، سينګار په شمول ډول ډول محصولات چيني بازار ته وړاندې شوي دي. د تيسلا(Tesla) د نړيوالو چارو مرستیالې تاو لين دا نظر لري چې دغه فعاليت د چين د لوړې سويې ورخلاصون يوه څرګنده نښه ده او د تيسلا په څېر نړيوالو شرکتونو ته به بي ساري ستراتيژيک فرصتونه ورسوي.
چين په نړۍ کې د توکو د تجارت په ساحه کې د لومړي لوی هېواد په توګه تل د وارداتو پراختيا ته په درنه سترګه ګوري او په مسلسلو ۱۷کلونو کې د نړۍ دويم لوی وارداتي بازار دی. اته کاله مخکې، چين په نړۍ کې يوازينی د وارداتو په عنوان د دولت په کچه نندارتون يانې د چين نړيوال وارداتي نندارتون تر سره کړ او تر اوسه پورې د څه باندې ۵۸۰ميليارد ډالرو په اندازه معاملې شوې او دغه ډګر په عامه توګه نړيوال شريک دی. اوسمهال په چين کې د پنځلسم پنځه کلن پلان د نقشې په خلاصولو سره د لوړ کيفيت ژوند لپاره د چينايانو غوښتنې ورځ په ورځ د زياتېدو په حال کې دي او د چين په بازار کې د مصرفولو او واردولو برخه پراخه فضا لري.
په دغه نندارتون کې ګڼ شمېر مېلمانه دا نظر لري چې د پنځلسم پنځه کلن پلان په لومړي کال کې چين د خپل بازار شريکول او چين ته د وارداتو په عنوان يو لړ فعاليتونه پر ځای کوي چې دا نړۍ ته د خپل بازار ورخلاصولو، د صادراتو او وارداتو د بېلانس رامنځته کولو لپاره واقعي فعاليتونه بلل کېږي او دغه فعاليتونه به د چين د نړيوال وارداتي نندارتون سره يو ځای د چين بازار ته د نړيوالو محصولاتو د ننوتلو لپاره لارې جوړې کړي.
د يادونې وړ ده چې د برېټانيا لومړي وزير کير ستارمر په وروستيو ورځو کې چين ته د سفر په موده کې د بازار شريکول او چين ته د صادرولو په عنوان فعاليتونو کې د همکاريو ياداښت لاسليک کړ او دغه هېواد د دې يو لړ فعاليتونو د پيل راهيسې لومړی هېواد شو چې له چين سره يې دغه ياداښت لاسليک کړ. په چين کې د برېټانيا لوی سفير پيتير ويلسون خبريال ته وويل چې چين ته د صادرولو په عنوان فعاليت په مناسب وخت کې تر سره کېږي چې د چين د بازار د لا نور ورخلاصون يو مهم عمل دی او دا نه يوازې د چين مشتريانو ته اسانتياوې رسوي، بلکې د برېټانيا د صادراتو لپاره مهمه لاره پرانيستل کېږي.
نه يوازې برېټانيا، په وروستيو کلونو کې چين په مسلسله توګه نړۍ ته خپل بازار پرانیستی. اوس چين ته د واردولو لپاره د ګمرکاتي تعرفې عمومي سويې ۷اعشاريه ۳سلنې ته راټیټ شوی چې په نړۍ کې ډېرې ټيټې تعرفې ګڼل کېږي. د چين د سوداګرۍ وزارت دا ځل اعلان کړی چې په ۲۰۲۶م کال کې به چين ته د صادرولو په عنوان څه دپاسه سل فعاليتونه تر سره شي چې د برېټانيا، قزاقستان، کینيا، ټايلنډ په شمول هېوادونو ته به د کلني هېوادونو په توګه وبلل شي او د نړۍ لا زيات باکيفيته محصولات او خدمتونه د چين کورونو او مشتريانو ته وړاندې کړي شي. دا به د چين د مشتريانو د توکو اخيستلو لپاره زيات انتخابونه برابر کړي او د دوی د مصرفولو غوښتنې به پوره کړي، بلکې د چيني او بهرنيو تصديو تر منځ د همکاريو ډګر به جوړ کړي او د چين د بازار فرصتونه به شريک کړي.
په ۲۰۲۵م کال کې د چين جي ډي پي اول ځل له ۱۴۰ټريليون يوانو څخه اوښتې او د ټولنو د مصرفي توکو د پرچون عمومي اندازه له ۵۰ټريليون يوانو څخه زياته وه، د چين د محصولاتو د تجارت د وارداتو او صادراتو عمومي پيمانه ۱۸اعشاريه ۴۸ټريليون يوانو ته ورسېده او چين د نژدې ۸۰ هېوادونو د واردولو عمده هدف ګرځېدلی دی، چې له دې څخه د چين د بازار لويوالي او زياتوالي شتون ښکارېږي.
د نړيوال تجارت د ساتنې غوښتنې پورته کولو او د نوساناتو عواملو زياتولو په حال کې دغه ډول فعاليتونه د پرانيستونکي نړيوال اقتصاد د ابادۍ او د ثابتو عواملو خپرولو لپاره هم د هڅونې رول لري.
