د ۲۰۲۶م کال د جنورۍ په وروستيو کې د امریکا په ټیکساس ايالت کې بې مخينې درنه واوره وشوه، چې له امله يې په سیمه کې د چيپونو فابریکه هم تړل شوې وه.
د دغې فابريکې تړل کېدو د چين پر شانګهای ښار، چې د امريکا له يادې سیمې څخه زرګونه کيلومتره لرې او د ارام سمندر په لوېديځه غاړه کې پروت دی، هم اغېز پرېباسلی دی.
ښاغلی جانګ، د چین په شانګهای ښار کې خوړو رسان او خلکو ته اړين توکي لېږدوي، همغه مهال پوهېدلی و، چې د ګرځنده ټلیفون بيه يې ناڅاپي ۲۰٪ لوړه شوې ده او دا هغه څه وو، چې نوموړي یې له یوې اوږدې مودې راهیسې انتظار کاوه. خو دا خبره يې هيڅ زړه ته نه لوېده، چې د بهرني هېواد طبیعي ناورین به د پیچلي نړیوال اکمالاتي ځنځير له لارې د ده پر ژوند هم اغېز ولري.
دغه پېښه د هغه څرګند ځنځير څرګندويي کوي، که سختې هوايي پېښې پر توليد منفي اغېزې ولري، نو د مهمو لوازمو کمبود به رامنځته شي، نړيوال توليدي صنعتي ځنځير به متضرر او په پای کې به د توليداتو بيې لوړې شي او بيې به یې عام مشتريان پرې کوي.
که دغسې ننګونې پر له پسې رامنځته شي، نو ټول انسانان به له يوې اصلي مسئلې سره مخ وي، ځکه مونږ په یوې ګډې سیارې کې ژوند کوو.
مونږ باید د ننګونو پر وړاندې انعطاف منونکې، عادلانه او دوامدارې هڅې وکړو او پر همدې لارې کولی شو، چې خپل ښيرازه راتلونکی اباد کړو.
د انسانانو د ګډ برخليک ټولنې جوړول د يادې مسئلې د حل لپاره مناسب ځواب دی او دغه مفکوره د چين د دولت رئیس شي جين پينګ له خوا ورکړل شوې ده.
د انسانانو د ګډ برخليک ټولنې جوړونه یوازې یو مفهوم نه، بلکې دا د وخت د اصلي ننګونو د حل بېړنی ځواب دی.
ولې ” د ګډ برخليک ټولنه” ضروري ده؟
اوس دغه حالت تر بل هر وخت ښه څرګند شوی، چې نړۍ يو کلی دی.
د نړۍ په ټېکنالوژۍ او سوداګرۍ سره تړل شوې او خلک باید دغه وضعیت درک کړي، چې ټول هېوادونه د سوکالۍ او هم د زيانونو شريکان دي.
مونږ ګډې ګټې شریکوو. یو ګرځنده ټلیفون ممکن د څو هېوادونو توليد شوي لوازم ولري، نو ځکه د يو هېواد د بازار بدلون په چټکۍ پر نړیوال بازار اغېزه کولی شي.
مونږ ګډ مسؤلیتونه شریکوو. په نړۍ کې د اقلیمي بدلون، وبا، ترهګرۍ او سایبري امنیت په ګډون ګڼې ننګونې راپورته کېږي او انسانان ورسره لاس او ګرېوان وي. مونږ ټول په ګډه د ننګونو پر وړاندې درېدلی شو، خو يو هېواد د خپل قوت په اتکا ورسره مقابله نشي کولی.
مونږ ګډ ارزښتونه شریکوو. د نړۍ په ګوټ ګوټ کې خلک د سولې، پرمختګ، عدالت، انصاف، ډیموکراسۍ او ازادۍ هیلې لري.
مونږ باید د ګټو، مسؤلیتونو او ارزښتونو د پيوستون په شبکې کې دا حقیقت ومنو، چې انساني ټولنه په اصل کې ګډ برخلیک لري او پرېکون ورسره سخت دی.
د انسانانو د ګډ برخليک ټولنه يوه خيالي نړۍ نه ده او مشخص هدف لري، چې له مخې يې د تلپاتې سولې، امنیت، ګډې سوکالۍ، ورخلاصون او ټولشمولیت او پاکه او ښکلې نړۍ جوړه شي. د دغې ټولنې جوړونه د انسانانو د ژوند او پرمختګ لپاره لازم انتخاب دی.
د انسانانو د ګډ برخليک د جوړولو روښانه مسیر
د انسانانو د ګډ برخليک ټولنې جوړول په عمل پسې تړلی دی. شي جین پینګ د عمل لپاره یو روښانه او عملي مسير برابر کړی دی.
۱- ټول هېوادونه بايد پر سیاسي مساوات، ډیالوګ او مشورو ټينګار وکړي.
ټول لوی او کوچني هېوادونه باید یو بل ته درناوی ولري، پر ګډو مشورو باید چارې ترسره کړي او له مقابلې او کوچنۍ کړۍ او ډلو ټپلو څخه باید ډډه وکړي.
۲- ټول هېوادونه بايد پرعامه امنيت او همکاريو ټينګار ولري.
د نړۍ ټول هېوادونه باید د ګډ، جامع، همکار او دوامداره امنیت پر مفکورې ټينګار وکړي، د خبرو اترو له لارې باید شخړې حل کړي او د ترهګرۍ او نورو ګواښونو د مخنيوي لپاره باید یو ځای کار وکړي.
۳- ټول هېوادونه بايد پر اقتصادي همکاريو، ورخلاصون او ګډو ګټو ټينګار ولري.
۴- د نړۍ ټول هېوادونه بايد پر کلتوري تبادلو ټينګار او د کلتوري متنوعيت ته درناوی وکړي.
د نړۍ ټول هېوادونه بايد د تبادلو له لارې متقابل تفاهم پياوړی کړي او توپيرونه باید لرې او همغږي رامنځته کړي.
۵- ټول هېوادونه بايد د ایکولوژۍ ساتنې او زرغون پرمختګ لپاره هڅې وکړي.
ځمکنۍ کره د انسانانو ګډ او یوازینی کور دی. مونږ باید له اقلیمي بدلون سره د مبارزې لپاره همکارۍ وکړو او باید د زرغونتوب او دواملرونکي پرمختګ لار غوره کړو.
پورتني پنځه اړخونه یو بل پسې تړلي دي او د انسانانو د ګډ برخليک ټولنې د ابادۍ د جوړولو مسير یې روښانه کړی دی.
چین نه یوازې د انسانانو د ګډ برخليک ټولنې د جوړولو غوښتونکی دی، بلکې عملي کوونکی يې هم دی.
چين په کوردننه د اقتصادي، سیاسي، کلتوري، ټولنیز او ایکولوژیکي تمدن ابادۍ ته د ودې ورکولو په هڅه کې دی، چې دغه هڅه يې “د پنځو برخو مدغم پلان” په نوم يادېږي او د خپلو نړیوالو وړاندیزونو لپاره يې باورونه او تجربې راټولې کړې دي.
چين په نړيوالې ټولنې کې د کمربند او لارې وړانديز د همکاريو او د نړيوال پرمختګ، امنیت، تمدن او مديريت وړانديزونو د تطبيق له لارې خپلې مفکورې په مشخصو همکاريزونو پروژو بدلې کړې دي.
دغو پروژو د ریل پټليو د جوړولو، د وبا ضد تجربو د شريکولو، د زرغون پرمختګ د پرمخبېولو او له زیانمنو وګړو سره د مرستو په شمول ډېرو برخو کې مثبتې پايلې ترلاسه کړې دي. د چين هڅو نړۍ ته ثبات رسولی او ګډ پرمختګ ته یې حياتي قوت ورکړی دی.
