د چيني او امريکايي تصديو د همکاريو او اړيکو پروګرام (CMP) د ۲۰مې کليزې فعاليت د فبرورۍ په ۹مې نېټې په پلازمېنې بېجينګ کې د چين د نړيوالې سوداګرۍ د تحريک کونسل او په دغه هېواد کې د امريکا د سفارت له خوا ترسره شو.
دغه فعاليت د باسکټبال له سيالۍ او د تبادلې له ناستې څخه جوړ شوی او د چين او امريکا د سوداګرۍ څه باندې ۲۵۰ استازو پکې ګډون کړی و.
په چين کې د امريکا د سوداګريزې ټولنې مشر ميکېل هارټ ياد فعالیت ته په وينا کې ويلي، چې اداره يې هر کال د چين د سوداګريز چاپېريال په اړه سروې ترسره کوي او له همدې لارې په دغه هېواد کې د امريکايي تصديو د باور په هکله معلومات ترلاسه کوي.
د ۲۰۲۶م سروې مثبته پايله ورکړې ده. د سروې ګډونوالو امريکايي تصديو د چين بازار له فرصتونو څخه ډک بللی او له نيمايي زياتو یې په دغه هېواد کې له کارو بار څخه ګټې ترلاسه کړې دي.
