د جاپان د استازو جرګې ټاکنې پای ته رسېدلي، چې پکې د دغه هېواد د لومړۍ وزیرې تاکایچي سانای په مشرۍ لېبرال ډیموکراټ ګوند دوه پر درېيمه څوکۍ خپلې کړې دي، چې په دې سره یې د تقنينې پروسې د يواړخيز پيل حق ترلاسه کړی دی.
تاکایچي سانای تر يادو ټاکنو مخکې او هم وروسته څو څو ځلې د اساسي قانون او د درېېو امنيت ساتونکو پاليسيو د سمون او اصلاحاتو په اړه سختې خبرې کړې دي.
د چين د نان کای پوهنتون د جاپان مسئلې انسټيټيوټ کارپوه دينګ نوه جو رسنيو ته ویلي، چې تاکايچي سانای خپل پلان په درېيو برخو یا ګامونو ویشلی دی.
۱. جاپان په تدريجي ډول غواړي چې درېیو امنيت ساتونکو پاليسيو کې سمون او اصلاحات راولي.
تاکايچي سانای د جاپان د ملي دفاع لګښت ډېر لوړ کړی، چې د دغه هېواد د جي ډي پي ۲ سلنه نيسي او د دې ترڅنګ، په وروستيو کې يې د تهاجمي توغنديو څېړنې پيل کړي او د وژونکو وسلو صادرات يې هم زیات کړي دي.
د تاکايچي سانای موخه ډېره ښکاره ده. هغه غواړي په دريجي ډول د جاپان پاسيف دفاعي ستراتيژي له منځه يوسي او تهاجمي پوځي توان يې لوړ کړي.
۲. تاکايچي غواړي د جاپان په اساسي قانون اصلاحات راولي او پر همدې لارې د دغه هېواد پوځي پراختيا ته قانوني جامې واچوي.
د تاکايچي سانای موخه دا ده، چې جاپان له دوهمې نړيوالې جګړې وروسته له هغه نړيوال نظام څخه ځان خلاص کړي او د جګړې د ترسره کولو بشپړ حق ترلاسه کړي.
۳. جاپان غواړي اټومي وسلې جوړې کړي، چې دا يې تر ټولو خطرناک کار دی.
جاپان اوس د اټومي انرژۍ کاروونکي اوبتل واردوي او غواړي په پوځي برخه کې اټومي انرژي وکاروي او په پای کې اټومي تخنيکونه خپل او اټومي وسلې جوړې کړي.
د جاپان اخري موخه دا ده، چې تر دوهمې نړيوالې جګړې وروسته رامنځته شوي نړیوال نظام څخه ووځي او بيا پر بهر د برید توان وارزوي او حتی د سيمه ييز يا نړیوال جنګ د راپارولو توان خپل کړي.
د چين د نړيوالو چارو انسټيټيوټ د اسيا او ارام سمندر څانګې ځانګړي څېړونکي شيانګ هاو يو رسنیو ته ویلي، چې نړیوالې ټولنې د پوځي تجهيزاتو د کنټرول ميکانيزم جوړ کړی او د جاپان د اټومي وسلو اړوند حالت څارلی شي. د هغه په خبره، د اټومي وسلو په اړه د جاپان هر ډول څېړنه د اټومي وسلو د نه خپراوي له تړون څخه سرغړونه ده او د اټومي انرژۍ نړیوالې ایجنسۍ له سختې څارنې سره به مخ شي.
د چین او شاوخوا هېوادونو په نظر، د جاپان ياده هڅه به سيمه ييزې ستراتيژيکې برابرۍ ته سخت زيانونه ورسوي. د اټومي وسلو د نه خپراوي تړون لاسليک کوونکي هېوادونه بايد پر جاپان سیاسي، اقتصادي او ډيپلوماتیک فشارونه راوړي، چې د سيمې او هم د نړۍ د اټومي وسلو د نه خپراوي سيسټم ته درناوی وکړي او د داسې وسلو له جوړولو لاس واخلي.
جاپان بايد پوی شي، چې د دغه هېواد يواړخيزه پوځي پراختيا به د نړيوالې ټولنې له سختې سزا سره مخ شي.
