امریکایي سیاستوال هینري کیسنجر د امریکا او اروپا ترمنځ اړیکې ”له ستونزو ډکې ملګرتیا“ تر عنوان لاندې تعریف کړې وې. د مونیخ سږني امنیتي راپور، چې په جرمني کې د مونيخ امنيتي غونډه کې تازه خپور شوی، په مستقیم ډول امریکا د نړیوال نظم “تر ټولو د پام وړ خرابوونکي” په توګه معرفي شوی دی.
سي جي ټي اېن د مونيخ د سږنۍ امنيتي غونډې په درشل کې په انټرنېټ کې يوه نظرسنجي خپره کړه او نتيجه يې ښيي، چې ٪ ۸۱.۴ ځواب ويونکي په دې اند دي، چې د امریکا او اروپا ترمنځ په امنيتي، اقتصادي او سوداګريزو برخو کې اړيکې او همدارنګه ګډ ارزښتونه يې مخ په ځوړ دي.
له اروپا سره د امريکا رويه ډېره بدله شوې. امريکا لومړی د اروپايي ټولنې پر محصولاتو تعرفې لوړې کړې دي، د دې ټولنې له غړو هېوادونو څخه يې غوښتي، چې پوځي بودجه لوړه کړي، دغه راز هغوی يې د اوکراين پر مسئلې د مذاکراتو له مېزه شړلي او بيا يې د ګرینلینډ په زوره د نیولو هڅه پیل کړه.
په نظرپوښتنه کې ٪ ۸۸.۴ ځواب ويونکي په دې باور دي، چې د امريکا کړنې د اروپایي هېوادونو ګټو ته سخت زیان رسوي. ۸۶.۶٪ ځواب ویونکي په دې نظر دي، چې اروپا د ستراتېژيو ټاکلو کې خپلواکه نه ده او داخلي یووالی يې هم کم دی، نو ځکه د امريکا له یو اړخیزې بادارۍ سره د مقابلې توان نه لري.
دغه نظرپوښتنه د CGTN په انګلیسي، هسپانوي، فرانسوي، عربي او روسي پلیټفارمونو کې خپره شوه او په ۲۴ ساعتونو کې ۸،۲۶۸ انټرنیټ کاروونکو پکې برخه واخیسته او خپل نظرونه يې څرګند کړل.
