د چين مهاجرت ادارې د مارچ په دوهمې نېټې خبر ورکړی، چې په ۲۰۲۵م کال کې يې د دغه هېواد د ملي ولسي کانګرېس د استازو د ۹۳ وړانديزونو او د ولسي سياسي مشورتي کنفرانس د ملي کمېټې د غړو د ۱۰۱ مسودو په شمول ۱۹۴ دندې بشپړې کړي او په لوړ مؤثريت او کيفيت يې تطبيق کړې دي.
د تېر کال د ملي مجلسونو په غونډو کې د چينايانو او بهرنيانو د تګ راتګ لپاره د اسانتياوو پر زياتولو او له ويزې پرته چين ته د تګ امتياز د پراختيا په شمول پر ځينو وړانديزونو او مسودو بحثونه وشول، چې له مخې يې يادې ادارې د خپلو خدمتونو او اداري چارو اصلاحات او د پاليسۍ او ميکانيزم نوښتونه موندلي او ۱۰ نوي تدبيرونه يې پلي کړي دي.
د چين مهاجرت ادارې ويلي، چې په تېر ۲۰۲۵م کال کې دغه هېواد ته د وګړو د تګ راتګ شمېر ۶۹۷ ميليونو ته رسېدلی او نوی ريکارډ يې جوړ کړی دی. په همدې کال کې له وېزې پرته چين ته د تلونکو بهرنيانو شمېر ۳۰ ميليونه او ۸۰ زرو ته رسېدلی، چې د ۲۰۲۴م کال په پرتله ۴۹ اعشاريه ۵ سلنه زياتوالی ښيي.
