له دويمې نړيوالې جګړې وروسته، د نړۍ په اوسنيو حالاتو کې بې ساری بدلون راغلی دی. نړۍ دې ته ډېره پاملرنه کوي، چې په راتلونکي کې به حالات په کوم لوري روان وي او چين به څنګه پرمختګ ومومي؟
د چين د ولسي سياسي مشورتي کنفرانس او د ملي ولسي کانګرېس سږنيو دوو غونډو د نړيوالو پاملرنه راجلب کړې، ځکه دغه غونډې د چين د پېژندنې د يوې مهمې کړکۍ په توګه پېژندل کېږي.
سي جي ټي اېن او د چينګ هوا پوهنتون د شينهوا د نړيوالو خپرونو څېړنيز انسټيټيوټ په ګډه «د ۲۰۲۶م کال د تودو موضوعاتو راپور» خپور کړی او د نړۍ او چين په هکله يې په جلا جلا توګه لس مهم موضوعات تنظيم کړي دي.
نړيوال حالات د سخت تنزلزل په حال کې دي او د امنيت موضوع یې د ډېرې پاملرنې وړ ده
په ياد راپور کې د نړۍ په اړه لس موضوعات ياد شوي دي: (( سيمه يېزې شخړې او نړيوال امنيت، د لوېديځو هېوادونو د پاپوليزم له امله رامنځته شوی ټولنيز نفوذ، مصنوعي ځيرکتيا او د نظارت او ادارې سيالۍ، د عامې روغتيا سيسټم جوړول، اقليمي بدلون او د سختې هوا د عادې کېدو حالت، ډيجټلي پيسې او د پولي ساينس او ټېکنالوژۍ خطرونه، د اوبو پر سرچينو نښتې او د سيمو ترمنځ د سيندونو سيالۍ، د غلو دانو امنيت او ګردې نړۍ کې د لوږې خطرونه، نړيوال مهاجرت او د مهاجرينو د بحران سختوالی، د نړۍ په جنوب کې د پرمختيايي هېوادونو پرمختګ او نوی نړيوال نظام.))
په راپور کې ويل شوي، نړيوال امنيتي وضعيت له لوړو خطرونو سره مخ دی، د هغو سیمو، چې د ادارې توان یې کمزوری دی، د خونديتوب ستونزه به ممکن نوره هم پراخه او د لويو هېوادونو ترمنځ سيالۍ به لا پراخې شي او د نړۍ سراسري جنوبي هېوادونه به د نړيوالو اصولو په بيا جوړښت کې فعال ګډون ولري.
چين د ادارې په چوکاټ کې خپلې اغېزې ګام په ګام ښکاره کوي، د لويو هېوادونو په مشرۍ د سیمه يېزو او ډله يېزو ډلو ټپلو د ادارې لارې ممکن د نړۍ د مصنوعي ځیرکتيا سيسټم د جلا کېدو پروسه چټکه کړي او په دې سره به د همکاريو ځنځير د پرې کېدو خطرونه او د نوښت خنډونه نور هم زيات شي. برسیره پر دې عامه روغتيا په لا څرګنده توګه د عامه امنيت په چوکاټ کې شامله شوې او د نړيوالو افکارو ډګر او د پاليسيو جوړولو په چارو کې د نړيوالې عامې روغتيا ستراتيژيک مقام پر له پسې د لوړېدو په حال کې دی.
د چين کمونېست ګوند نوی پيل؛ د دغه ګوند په مشرۍ د اقتصاد انعطاف او د ساينس او ټېکنالوژۍ پرمختګ د ليدو وړ دي
په ياد راپور کې د چين په هکله لس موضوعات تنظيم شوي دي: (( ۲۰۲۶م کال د چين د پنځلسم پنځه کلن پلان د پيل کال او د چين د کمونېست ګوند د تاسيس ۱۰۵مه کليزه ده، د لس ميليارډو کيلو ګرامو د غلو دانو د توليد نوی پړاو او فعاليت، د کليدي او مرکزي ټېکنالوژيو رښتيني برياليتوبونه، د ځايي مالي چارو د بڼې بدلون او د کورونو د پېر د پرمختګ نوې بڼه، د ملي امنيت پر وړاندې د احتمالي خطرونو د ادارې کارونه، د ډيجټلي چين او د ډجيټلي بازار ابادي، د نويو کارونو او د روزګار نوی حالت او د روزګار د دوستۍ د پرمختګ بڼه، د چینایانو روغتیايي حالت د هڅونې او د واده، د ماشومانو زيږون او د زړو کسانو د پالنې سيسټم جوړول او د اقتصاد انعطاف او د هېواد دننه او بهر د اقتصاد د پرمختګ بڼه.))
۲۰۲۶م کال د چين د پنځلسم پنځه کلن پلان د پيل کال دی او د دغه هېواد د کمونېست ګوند د جوړېدو له ۱۰۵مې کليزې سره برابر دی او دغه راز په دغه کال کې به د چيني شکله عصريتوب د پرمختګ نظريې او برياليتوبونه د نړيوالو افکارو پاملرنې راجلب کړي.
چين د نوښت له لارې د پرمختګ د هڅونې ستراتيژي عملي کوي، د نوي کيفيت توليدي توان روزي او د اقتصاد د اوږدمهاله سالم پرمختګ لپاره دوامداره انرژي برابروي او هم د اصلاحاتو او ورخلاصون د ژورتيا له لارې د لوړ موثريت د اصولو، عادلانه سيالۍ او بشپړ ورخلاصون پر بنسټ لوی بازار جوړوي او د اقتصاد د پرمختګ داخلي انرژۍ او له ګواښونو سره د مقابلې توان پياوړی کوي.
برسیره پر دې، په روان کال کې د چین د اقتصاد د انعطاف ټينګښت او د هېواد دننه او بهر د دايروي پرمختګ موضوع هم د پاملرنې وړ ده، چې پکې د ساينس او ټېکنالوژيو نوښت او د توليدي چارو لوړتيا، د کورنيو اړتياوو پراخوالي او د مصرفي اندازې د تګلارو اغېزې، د لوړې سويې د ورخلاصون نوی پرمختګ، د ازاد تجارت د بندرونو ابادي، سيمه يېزې همکارۍ او د نويو سمسورو بازارونو ابادول شامل دي.
