د مصر ولسمشر عبدالفتاح السیسي او د چين دولت رئیس شي جین پينګ د سپتمبر د دويمې نېټې په سهار د قاهرې په لمر ماڼۍ کې خبرې اترې وکړې.
شي جين پينګ وویل، چين او مصر باید یو د بل ټينګ ملاتړ وکړي، د لوړپوړو چارواکو ترمنځ تګ راتګ دې وساتي، په بېلابېلو برخو او کچو کې دې خپلمنځي تبادلې او همکارۍ پیاوړې کړي او د حکومتولۍ په برخه کې دې د تجربو تبادلې او متقابلې زده کړې تقويه کړي. دويم، دواړه هېوادونه دې ګټې -ګټې همکارۍ پرمخ يوسي، د پرمختيايي ستراتېژيو وصل دې تقويه کړي، د زیربناوو، برق، کرنې او مخابراتي تخنيکونو په شمول دوديزو سکتورونو کې دې د همکاريو بالقوه ځواک فعال کړي او د زرغونو انرژيو، برقي موټرو، هوايي او فضايي چارو، ډيجيټل اقتصاد او عصري کرنيزو تخنيکونو په برخو کې دې د همکاريو نوې ځانګړتياوې رامنځته کړي. درېيم، دواړه هېوادونه دې خپلمنځي کلتوري تبادلې او د خلکو ترمنځ راشې درشې زیاتې کړي، په کلتور، ښوونې، ساينس او ټکنالوژۍ، روغتيا او سپورټ په برخو کې دې تبادلې او همکارۍ په هراړخيزه توګه پراخې کړي، د خلکو تګ راتګ او متقابل پوهاوی دې زيات کړي. څلورم، دواړه هېوادونه دې د امنيت په برخه کې همکارۍ پیاوړې کړي، له پولې هاخوا جرمونو سره دې ګډه مبارزه وکړي، د فساد ضد مبارزه کې دې نړيوالې همکارۍ ژورې کړي، د ترهګرۍ ضد مبارزه کې دې يو د بل له هڅو څخه دې ټينګ ملاتړ وکړي او ګډ امنيت دې وساتي. پنځم، دواړه خواوې باید نړيوالې څواړخيزې همکارۍ تقويه کړي، د ملګرو ملتونو او د برېکس هېوادونو په شمول څو اړخیزو پلاټفورمونو کې دې خپلمنځي همکارۍ او همغږي پياوړې کړي او په ګډو هڅو د چين او عربي هېوادونو ترمنځ او د چین او افريقا ترمنځ د همکارۍ فورمونو ته دې وده ورکړي، له يواړخيزم او بادارۍ سره دې ګډ مخالفت وکړي او د نړیوالې حکومتولۍ د لاعادلانه او معقول سیسټم د جوړولو لپاره دې ګډ کار وکړي.
السيسي وويل، مصر د يو چین پېژندنې له اصل څخه ټينګ ملاتړ کوي او دواړو هېوادونو ترمنځ د هراړخيزو ستراتېژيکو همکاريزو اړيکو پرمختګ ته ژمن دی. مصر به له چین سره د سوداګرۍ او پانګونې، توليد، زیربناوو، مالي چارو، ساينس او ټکنالوژۍ او نويو انرژيو په برخو کې زياتې همکارۍ وکړي، په پوځي او امنيتي چارو کې به خبرې پياوړې او د خلکو تګ راتګ به زيات کړي، څو د دواړو هېوادونو خلکو ته زيات رفاه ورسوي او د سيمې په پرمختګ او سمسورتيا کې مرسته وکړي.
ولسمشر السیسي او مېرمن يې د همدې ورځې په ماسپښين په لمر ماڼۍ کې د شي جين پينګ او مېرمن يې د هرکلي مېلمستيا هم ترسره کړه.
