اسرائيلي ځواکونو د سپټمبر د ۲مې نېټې په سهار وختي د لبنان په جنوب کې پر نبطيه پر له پسې هوايي بريدونه او د توپونو ډزې کړې او له دې امله يې د کورونو په شمول ګڼ شمېر تاسيساتو ته زيانونه رسولي دي.
د لبنان د ملي خبري اژانس د راپور له مخې، تر دې مهاله د مرګ ژوبلې کوم راپور نه دی ورکړل شوی.
د امريکا په واشنګټن کې د جون په ۲۶مه نېټه د درې اړخيزو خبرو اترو له پای ته رسېدو وروسته، د یوه چوکاټي تړون د تر سره کېدو اعلان وشو. د دغه تړون له مخې، اسرائيلي ځواکونه به د لبنان له ځينو سيمو څخه ووځي او د لبنان پوځ به د سيمې امنيتي چارې پر غاړه واخلي.
خو د ياد تړون له لاسليک کېدو راهيسي، اسرائيلي ځواکونو لا هم د لبنان په دننه کې پر بېلا بېلو اهدافو څو ځلې بريدونه کړي دي.
