د چین د دولت مرستيال رئیس هان جنګ پر ځايي وخت د سپتمبر په ۲۶ مه نېټه په نیویارک کې د ملګرو ملتونو په مقر کې د ۸۱مې عمومي اسمبلۍ په عادي مباحثه کې ګډون او وینا وکړه.
هغه وویل، رئیس شي جین پینګ د ملګرو ملتونو ۷۶ مې عمومي اسامبلۍ ته په وينا کې د نړيوال پرمختګ پېشنهاد وړاندې کړی او ورپسې یې د نړیوال امنیت پېشنهاد ، د نړیوال تمدن پېشنهاد او د نړيولې حکومتولۍ پېشنهاد وړاندې کړی، چې د انسانانو د ګډ برخليک ټولنې د جوړولو لپاره سټراټژيکه رهنمايي وړاندې کوي.
هان جنګ پدې اړه څلور وړاندیزونه مطرح کړل.
لومړی، نړيوال دې له دويمې نړيوالې جګې وروسته رامنځته شوی نړیوال نظم وساتي او د ګډ امنيت له لارې دې دايمي سوله رامنځته کړي.
دويم، نړيوال دې د نړیوالې پراختیا له ننګونو سره مقابله وکړي او د پرانیستې همکارۍ له لارې دې ګډه سمسورتيا تقويه کړي.
درېیم، نړيوال دې د تمدنونو ترمنځ تبادلې او متقابلې زده کړې وهڅوي او د خبرو له لارې دې يووالی او متقابل باور بيا جوړ کړي.
څلورم، نړيوال دې د څو اړخیزم روښانه ملاتړ وکړي او په رښتنيو هڅو دې عدالت او انصاف وساتي.
هان جنګ زياته کړه، د چين په نظر ټول هېوادونه، که لوی وي یا کوچني، د نړيوالې تولنې مساوي غړي دي. نړيوالې چارې باید د ټولو د مشورو له لارې پرمخ وړل شي او د نړيوال قانون حاکميت او عدالت او انصاف باید د ټولو لخوا په ګډه وساتل شي. بېلابېل هېوادونه دې د ملګرو ملتونو د ملاتړ او پیاوړتیا لپاره سره یو موټی شي او عملي ګامونه دې پورته کړي. چین د ملګرو ملتونو د اصلاح او ښه والي ملاتړ کوي، څو د اقلیمي بدلون د مخنيوي او د عامې روغتیا د خوندیتوب په شمول نړیوالو ننګونو ته موثره رسیدګي وشي.
