د چين دولت رئيس شي جين پينګ پر ځايي وخت د سپتمبر له ۲۳مې نېټې څخه تر ۲۵مې نېټې پورې له امریکا څخه رسمي ليدنه وکړه. په دې ترڅ کې د دواړو هېوادونو مشرانو د چين او امريکا ترمنځ د رغنده ستراتيژيکو ثابتو اړيکو او مهمو نړيوالو او سيمه ييزو مسئلو په اړه د نظريو ژوره تبادله وکړه او لاندې اته موافقې يې دوین کړې:
لومړی، دواړه خواوې به “د درناوي، عدالت او برابرۍ پر بنسټ د چين او امريکا ترمنځ رغنده ستراتېژيکې ثابتې اړيکې” جوړې کړي.
دوهم، دواړه خواوې به د اېپیک غير رسمي سرمشريزې او د جي شل ګروپ د سرمشريزې د بريالي تر سره کولو لپاره يو له بل څخه ملاتړ وکړي. د دواړو هېوادونو مشران نیت لري چې د يو بل لخوا کوربه شويو غونډو کې ګډون وکړي.
درېيم، ايران بايد د اتومي وسلو د نه جوړولو ژمنه پوره کړي او هېڅ هېواد يا سازمان باید د نړيوالو اوبو له لارو څخه د تېرېدو محصول وانخلي.
څلورم، چين او امريکا د دوهمې نړيوالې جګړې متحدان وو او په ګډه يې جګړه وګټله.
پنځم، د دواړو هېوادونو مشرانو د چين او امريکا ترمنځ د اقتصادي او سوداګريزو چارو د مشورې میکانيزم مثبت رول او د دواړو خواوو د اقتصاد او سوداګرۍ د پلاويو د مشورې پايلې ومنلې.
شپږم، د چين او امريکا د نشه يي توکو د مخنيوي د ادارو ترمنځ همکاریو د ليدو وړ پايلې ترلاسه کړې. په دې وروستيو کې دواړو خواوو زیاتې همکارۍ ترسره کړې او په ګډه يې ډېرې قضيې کشف او حل کړې.
اووم، دواړه خواوې به د چين او امريکا ترمنځ د مصنوعي ځيرکتيا ډيالوګ جوړ کړي او د مصنوعي ځيرکتيا د اړوندو ګواښونو او ګټو په اړه به د نظريو تبادله وکړي. راتلونکی ډيالوګ به د روان کال په نومبر کې ترسره شي. دواړه خواوې به د مصنوعي ځيرکتيا د پېښو په اړه د نظریو د تبادلې چينل جوړ کړي.
اتم، د چين يوه جوړه پانډاګانې به په کرايې ورکولو سره د امریکا اتلانتا ژوبڼ ته واستول شي او امریکا د دې اقدام هرکلی څرګندوي.
د دې ترڅنګ، د چين او امريکا دواړو پوځونو هم په دې موافقه کړې، چې ژر تر ژره د کړکېچ په اړه د نظریو تبادلې د پياوړتيا او د ناورین د مخنيوي په اړه د تفاهم يادښت لاسليک کړي او په چين کې د ورک شويو امريکايي پوځي پرسونلو د جسدونو د لټولو لپاره همکارۍ ته دوام ورکړي.
